එවැනි කසළ බඳුන් නොතිබුණෙන්, ඔහු මගෙන් අනවශ්ය කොළ කෑල්ලක් තිබේදැයි විමසුවේය. මගේ ගමන් මල්ලේ තිබූ පරණ බස් ටිකට් පතක් මම ඔහුට දුනිමි. ඔහු එම කොළ කැබැල්ලෙහි චුයින්ගම් එක ඔතා, තම ගමන් බෑගයේ පුංචි සාක්කුවක දමා ගත්තේය.
චුයින්ගම් එකක් විසි කිරීමට අවශ්ය වූ විට, හැමෝම නොවුනත් අපේ රටේ බොහෝ දෙනෙක් නම් කරනු ඇත්තේ කුමක් ද?
නිසැකවම වටපිට බලා, කාටවත් නොපෙනෙන ලෙස හිමින් සීරුවේ බස් එකේ අසුනක කොණකින් අලවන එකය. නැතිනම් බිමට දමන එකය.
චුයින්ගම් නොව අනෙකුත් කැළිකසළ ගත්ත ද, අපේ රටේ බොහෝ දෙනෙකුගේ පුරුද්ද ඔයාකාරය.
දිනක් එක්තරා පුද්ගලයකු තමන් පානය කළ මයිලෝ පැකැට්ටුව වැහිවතුර සහ අපජලය බැහැර කිරීම සඳහා ඇති කොන්ක්රීට් කාණුවේ කොන්ක්රීට් පියන් දෙක අතර සිදුරකින් ආයාසයෙන් කාණුව තුළට ඔබනු දුටුවෙමි. එලෙස පුද්ගලයන් 10 දෙනෙකු එම කාර්යය කළහොත්, කාණුව අවහිර වී, පුංචි වැස්සටත් මාර්ගය යටවන තත්වයට පත් වන බව ඒ පුද්ගලයාට නොවැටහීම පුදුමය.
කසළ බැහැරලීම සම්බන්ධයෙන් සමස්තයක් ලෙස අපේ රටේ මිනිසුන්ගේ චර්යාවේ ප්රශ්නයක් ඇති බව මිනිසුන් ගැවසෙන අවට වටපිටාව දෙස මඳක් බැලීමෙන් පෙනේ. එම යහපත් චර්යාවන් පාසල් වයසේම පුරුදු කළයුතු දේ වුවත්, එම යුගය පහුකර ඇති වැඩිහිටියන්ට ද ඒවා පුරුදු කිරීම එතරම් අපහසු නොවන බව අපගේ විශ්වාසයයි.
ඒ අන් කිසිවකින් නොව, මිනිසුන් නිවෙස්වල රැඳී සිටින උදෑසන කාලයේ වාලම්පුරිකාරයන්ගෙ, ග්රහතාරකාකාරයන්ගෙ සහ සෙත් ශාන්තිකාරයන්ගෙ ග්රහණයෙන් විද්යුත් නාලිකා ටික මුදාගෙන, මිනිසුන්ගෙ ආකල්ප සංවර්ධනය කෙරෙන, රටට-සමාජයට වැදගත් වන දැනුම බෙදන වැඩසටහන් ටිකක් ඉදිරිපත් කිරීමෙනි. උදෑසනම යැයි විශේෂයෙන් කීවේ එවැනි ආකල්ප සංවර්ධන වැඩසටහන් සඳහා උචිතම වෙලාව නැවුම්බර උදෑසන කාලය නිසාය.
ඒ අන් කිසිවකින් නොව, මිනිසුන් නිවෙස්වල රැඳී සිටින උදෑසන කාලයේ වාලම්පුරිකාරයන්ගෙ, ග්රහතාරකාකාරයන්ගෙ සහ සෙත් ශාන්තිකාරයන්ගෙ ග්රහණයෙන් විද්යුත් නාලිකා ටික මුදාගෙන, මිනිසුන්ගෙ ආකල්ප සංවර්ධනය කෙරෙන, රටට-සමාජයට වැදගත් වන දැනුම බෙදන වැඩසටහන් ටිකක් ඉදිරිපත් කිරීමෙනි. උදෑසනම යැයි විශේෂයෙන් කීවේ එවැනි ආකල්ප සංවර්ධන වැඩසටහන් සඳහා උචිතම වෙලාව නැවුම්බර උදෑසන කාලය නිසාය.
No comments:
Post a Comment