කිසිදු මිනිස් වාසයක් නැති අලි ගහණ කැලෑ මායිමේ කුඹුරු කෙරුවාව- 8

අලින්ගෙ හයියට යට මිනිස්සු විතරක් නෙමෙයි...

කිසිදු මිනිස් පුළුටක ස්ථිර පදිංචියක් නැති, රක්ෂිත කැලෑ මායිමේ පිහිටි මේ කෘෂි බිමේ ගොඩමඩ ගොවිතැන් කරන විට, අනෙක් පළාත්වල මෙන් නොව විශේෂයෙන් අලින්ගෙන් පවා පරිස්සම් කරගැනීමට සිදුවන බව මීට පෙර ලිපිවලදී සඳහන් කළෙමු. එසේ අලි වගාබිම් වෙත වැදුනහොත් සිදු වන අලාභහානි සුළුපටි නොවන බව ද එහිලා සඳහන් කළෙමු. 

උස් මිටි භේදයක් නැතිව පොල් ගස් පවා බිමට පෙරළන එක අලින්ට ඉතා පහසු කාර්යයකි. මේ ලිපිපෙළට මාතෘකාගත කුඹුරු බිමට යාබද අත්හැර දමන ලද ඉඩමේ වවා තිබූ පොල් ගස් වරින් වර පැමිණි අලින් විසින් බිමට පෙරළා දමා ඇති ආකාරයයි මේ.

මනුස්සකමට නොව මිලට හෝ බොන්නට වතුර බිඳක් ඉල්ලා ගතහැකි තැනක් නැති, ගිනි අව්ව රජයන මේ බිමේ අප පවා තිබහට වෑවර ගෙඩියක් දෙකක් කඩාගෙන බොන්නේ අලින්ගෙන් හානියක් නොවී තවමත් ඉතිරිව ඇති පොල් ගස් කිහිපයෙනි. ඒවා ද බිමට වට්ටවන දිනය දන්නේ මෙහි වදින අලින් පමණය.  

අලින්ගෙන් වගාවන්ට සිදු වන අලාභහානි සහ ඒ වෙනුවෙන් අතිරේකව වැය කළ යුතු කාලය-ශ්‍රමය සහ ධනය නිසා, මෙම ඉඩමේ පෙර ගොවිතැන් කළ ඉඩම් හිමි අය අද මෙහි ගොවිතැන් කෙරුවාව තාවකාලිකව අත්හැර දමා ඇත. ඔවුන් විසින් ඉදි කරන ලද ගස උඩ පැල පවා දිනෙන් දින දිරාපත් වෙමින් තිබෙනු පෙනේ.

පාලුවට ගොස් ඇති මෙම ඉඩම්වල යළි වගා කෙරෙනු ඇත්තේ අලි කරදරය යම් තරමකින් හෝ අඩු වූ කාලයකය. එතෙක් දිනෙන් දින වල්වදිමින් මෙම ඉඩම් මෙලෙස පවතිනු ඇත.

පහතින් මෙහි ඉතිරි ලිපිත් කියවන්න.

මිනිස් වාසයක් නැති, අලි ගහණ කැලෑ මායිමේ කුඹුරු කෙරුවාව 1 (පලු ගසේ පැල මත රැයක්....)

මිනිස් වාසයක් නැති, අලි ගහණ කැලෑ මායිමේ කුඹුරු කෙරුවාව 2 (අලි මදිවට හරක්...)

මිනිස් වාසයක් නැති, අලි ගහණ කැලෑ මායිමේ කුඹුරු කෙරුවාව- 3 (අලින්ට වැට...)

මිනිස් වාසයක් නැති අලි ගණ කැලෑ මායිමේ කුඹුරු කෙරුවාව 4 (මැදියම් රැයේ අලියෙකු සමග සටනක්.....)

අලි ගහණ කැලෑ මායිමේ කුඹුරු කෙරුවාව 5 (යමින් ගමන් කැලෑ ගෙඩි කමු...)

කිසිදු මිනිස් වාසයක් නැති, අලි ගහණ කැලෑ මායිමේ කුඹුරු කෙරුවාව- 6 (මිනිසුන්ගේ ධෛර්යය අලින්ටම යට වෙලා යයි ද?)

කිසිදු මිනිස් වාසයක් නැති, අලි ගහණ කැලෑ මායිමේ කුඹුරු කෙරුවාව - 7 (මානව ශිෂ්ටාචාරයේ පදනම් සාධකය ජලයයි.....)

කිසිදු මිනිස් වාසයක් නැති අලි ගහණ කැලෑ මායිමේ කුඹුරු කෙරුවාව- 8 (අලින්ගෙ හයියට යට මිනිස්සු විතරක් නෙමෙයි...)

කිසිදු මිනිස් වාසයක් නැති, අලි ගහණ කැලෑ මායිමේ කුඹුරු කෙරුවාව- 9 (මාස තුනක මහන්සියේ කූටප්‍රාප්තිය....)